唉，想寫D輕鬆D嘅嘢都唔得。
- - -
點解醫院會冇床位？
一個人有病，無錢睇私家，去排幾個鐘嘅急症。急症室一係就睇完彈人走，一係就入Observation Ward等收上病房。
病房會有位係因為佢彈走一個已經入咗病房嘅病人。即係上高比壓力前線醫生，咁佢地就會盡快令病人情況穩定或扮穩定。跟住勸你地返屋企 Discharge Home。當然扮穩定嘅話，好快就會返轉頭係急症再見到佢。
佢未穩定到可以即刻返屋企，或者有其他問題唔可以返屋企(can be medical or social problem 例如屋企未請到工人照顧老人家，冇錢請工人，屋企人唔識照顧個老人家，屋企人唔想要個老人家跟住唔見咗,姑娘打極電話比佢都搵唔番呢個屋企人等等嘅社會問題⋯⋯），就會轉院去非急症/療養醫院Rehab Hospital。
好啦，Rehab ward要掟到人哋走咗先至有個床位比其他人入院。住得呢度， ＄100 X 1日，點都平過私家老人院。分分鐘待遇仲好。多啲護士+保健員睇住。有啲咩事有醫生睇。 抽血X光心電圖點都有啲。唔穩定又可以轉返去Acute醫院。
我仲未提譬如有啲長期要洗傷口，或者要打糖尿針等等嘅老人家，好需要用社康護士嘅服務，根本就排隊等唔到，又或者連佢哋嘅服務收費都比唔起。所以點都係留起醫院化算啲。
十萬個Discharge Problem嘅病人，醫生搞唔掂，唯有射波，Refer醫院嘅社工MSW。MSW幫佢排老人院+申請津貼傷殘金等等去幫補老人院嘅住宿費用。有錢排私家就快啲，無錢嘅等三五七年都未輪到你。老人院好壞參差，呢個有排講。仲記得天台公公婆婆剝光豬沖涼事件嗎？好多人排到有老人院都唔鍾意入，覺得醫院係最好，就會做咗院霸。又係Another Story。
所以，個個都冇位郁，咁你話急症室邊度會有唔爆棚嘅一日？呢啲只係冰山一角。都仲未提政府減HA醫療開支，但係Fing晒啲錢去慶祝回歸。千幾萬去燒廿零分鐘嘅煙花。你請晒啲海外唔知合唔合資格嘅醫生黎，佢哋幫你捱咗一年傻仔做實習，跟住轉個頭就會自己出去私家搵真銀。
其實病房爆，唔係一朝一夕嘅事。唔係因為什麼冬季夏季流感。政府長遠政策唔改嘅話，日日都會繼續爆。最終受害嘅都係普羅大眾。前線人員個個都做到身心疲累，最終就會Burnout，離開HA。係，每年都會有啲新畢業嘅醫生加入HA呢個大家庭。但係經驗係累積返嚟嘅，到時佢地做錯又俾傳媒大做文章。呢個惡性巡環幾時先可以停？
呀林鄭大人打個白鴿轉去醫院有咩用？你仲要話要最短嘅時間去解決呢個問題。如果係咁短時間就解決得到嘅，點解咁多年都唔去解決？
Search